Абдуқодир Ҳусанов Мбаппе ва Сон Хин Миндан юқори натижа қайд этди
Ўзбекистон терма жамоаси ҳимоячиси Абдуқодир Ҳусанов Жаҳон чемпионати гуруҳ босқичи биринчи турининг энг юқори тезлик кўрсатган футболчилари рейтингида иккинчи ўринни эгаллади. FIFA расмий статистикасига кўра, у майдонда соатига 36,5 километр тезликка эришиб, Норвегия вакили Эрлинг Холанд билан бир хил натижа қайд этди. Рейтингда биринчи ўринни соатига 36,7 километр тезлик кўрсатган австралиялик Жордан Бос эгаллади.
Ўзбекистон терма жамоаси ҳимоячиси Абдуқодир Ҳусанов Жаҳон чемпионати гуруҳ босқичи биринчи тури якунларига кўра энг юқори тезлик кўрсатган футболчилар рейтингида иккинчи ўринни эгаллади. FIFAнинг расмий статистикасига кўра, ўзбекистонлик футболчи майдонда соатига 36,5 километр тезликка эришган.
Ҳусанов бу натижа билан Норвегия терма жамоаси ҳужумчиси Эрлинг Холандга тенглашди. Холанд ҳам биринчи тур учрашувида соатига 36,5 километр тезлик қайд этган.
Рейтингда биринчи ўрин Австралия терма жамоаси футболчиси Жордан Босга тегишли. У соатига 36,7 километр тезлик билан Ҳусанов ва Холанддан 0,2 километрга ўзиб кетган.
Абдуқодир Ҳусановнинг натижаси бир қатор таниқли футболчиларникидан юқори бўлди. Франция терма жамоаси ҳужумчиси Килиан Мбаппе соатига 35,1 километр, Жанубий Корея футболчиси Сон Хин Мин эса 35,2 километр тезлик кўрсатган.
Шу тариқа, Ўзбекистон ҳимоячиси Жаҳон чемпионатининг биринчи турида майдонга тушган энг тезкор футболчилардан бири сифатида қайд этилди.
Изоҳлар 0
…