ЖЧ-2026да 1/8 финалнинг барча жуфтликлари тўлиқ аниқланди

2026 йилги Жаҳон чемпионатида 1/16 финал босқичи якунланди.

Шу тариқа, нимчорак финалга чиққан барча 16 жамоа ва чорак финал йўлланмаси учун курашадиган саккизта жуфтлик маълум бўлди. Мухлисларни бир қатор муросасиз ва йирик тўқнашувлар кутмоқда.

4 июль

22:00 — Канада — Марокаш

Икки кутилмаган иштирокчи чорак финал учун курашади. Канада аввалги босқичда Жанубий Африкани, Марокаш эса Нидерландияни мағлуб этган эди.

5 июль

02:00 — Парагвай — Франция

Германияни пенальтилар сериясида турнирдан чиқарган Парагвай чемпионлик учун асосий даъвогарлардан бири Францияга қарши майдонга тушади.

6 июль

01:00 — Бразилия — Норвегия

Беш карра жаҳон чемпионлари кейинги босқич йўлланмаси учун Норвегия билан беллашади.

05:00 — Мексика — Англия

Мексика ва Англия ўртасидаги баҳс ҳам нимчорак финалнинг энг қизиқарли учрашувларидан бири бўлиши кутилмоқда.

7 июль

00:00 — Португалия — Испания

Иберия яриморолининг икки футбол гиганти ўртасидаги супербаҳс турнинг асосий афишаларидан бирига айланди.

05:00 — АҚШ — Белгия

Мезбонлардан бири АҚШ чорак финал йўлланмаси учун Бельгияга қарши майдонга тушади.

21:00 — Аргентина — Миср

Амалдаги кучли жамоалардан бири Аргентина Миср тўсиғидан ўтишга ҳаракат қилади.

8 июль

01:00 — Швейцария — Колумбия

Нимчорак финалнинг сўнгги баҳсида Швейцария ва Колумбия ўзаро тўқнаш келади.

ЖЧ-2026. 1/8 финалнинг барча жуфтликлари

• Канада — Марокаш;

• Парагвай — Франция;

• Бразилия — Норвегия;

• Мексика — Англия;

• Португалия — Испания;

• АҚШ — Белгия;

• Аргентина — Миср;

• Швейцария — Колумбия.

Барча учрашувлар вақти Тошкент вақти билан кўрсатилган.

Жаҳон чемпионати энди янада ҳал қилувчи босқичга кирди. Саккиз учрашувдан сўнг турнирнинг чорак финал иштирокчилари тўлиқ маълум бўлади.