Мисрлик футболчилар шарафига уюштирилган ифторликда ошни ўзбек ошпазлари тайёрлашди

20 мингдан ортиқ рўзадор Аҳмад ҳожи Қодиров жамғармаси томонидан уюштирилган ифторликда оғиз очишди.

“Чеченистон юраги” масжиди ёнидаги майдонда тузалган дастурхон атрофида Ингушетия, Доғистон, Татаристон ва Грознийдаги “Аҳмад Арена” стадионида Миср футбол термасини машғулотларини томоша қилишга узоқ-яқиндан келган муҳлислар жамул-жам бўлишди, деб ёзмоқда ЎМИ Матбуот хизмати.

Ифторликнинг асосий таоми бўлган ошни Ўзбекистондан махсус чақиртирилган ошпазлар тайёрлаб беришди. Ифторлик билан бир қаторда “Фирдавс” тантаналар саройида саратон ва паралич хасталикларига чалинган, тиббий муассасалар ҳамширалари ва “Автойўлтаъмир” ишчилари ҳамда минтақадаги кам таъминланган оилалар учун алоҳида дастурхон ёзилди.

Чеченистон раҳбари Рамзан Қодировнинг маълум қилишича, “Фирдавс” саройидан ҳеч ким қуруқ қайтмаган. 48 та оила янги квартиралар калити, қолганлар эса катта миқдордаги пул соҳибларига айланишди.