Қирғизистон бош мураббийи: "Учинчи ўрин билан кейинги босқичга чиқишимизга ишонаман"

  • 12 январь 2019, 00:15
  • 1 064
  • Спорт
  • Қирғизистон бош мураббийи: "Учинчи ўрин билан кейинги босқичга чиқишимизга ишонаман"
    Осиё Кубоги 2-туридан ўрин олган Қирғизистон - Жанубий Корея (0:1) учрашувидан сўнг қўшниларимиз устози ўз фикрларини билдирди.
    "Ўйин бўйича шогирдларимга ҳеч қандай эътироз йўқ. Бутун ўйин давомида жамоам муносиб ўйнади. Улар билан фахрланаман. Биз келажакка оптимистик руҳда қараймиз. Филиппин билан баҳсда ғалаба қозонишга ва учинчи ўринни эгаллаб кейинги босқичга чиқишимизга ишонаман.

    Биринчи турда Матяш хато қилгани учун бугун ёш посбонга имкон бердик ва дебют қилди. Мен ҳеч қачон футболчининг паспортига қарамайман.
    Стандарт вазиятлар бўйича алоҳида тайёргарлик кўргандик. Аммо баҳсда булардан тўлиқ фойдалана олмадик. Ҳакамлар ҳақида ҳеч нима демайман. Уларни муҳокама қилишни истамайман.

    Қирғизистон учун ҳали мусобақа тугагани йўқ. Учинчи ўринни олиб кейинги босқичга чиқишимизга шубҳа қилмаяпман. Филиппин билан ўйинда худди бугунгидек жанговор руҳда курашамиз", - дейди Александр Крестинин.

    » » Қирғизистон бош мураббийи: "Учинчи ўрин билан кейинги босқичга чиқишимизга ишонаман"