Элнур Абдураимов: "Мейвезер ва Пакьяо каби жаҳон чемпиони бўлишни мақсад қилганман"

Ўзбекистонлик боксчи Элнур Абдураимов россиялик Дмитрий Хасиевга қарши жангидан кейинги фикрларини билдириб ўтди.

«Бу профессионал рингдаги тўртинчи жангимда тўртинчи ғалаба бўлди. Ўтган йилнинг ноябрида мен анча тажрибали бразилиялик боксчини нокаут қилгандим, бугун ҳам менга қарши анча жиддий рақиб дуч келди, у ўзига хос характерга эга ва кучли боксчи. Шунга қарамасдан мен рингга ўзимга юқори ишонч билан чиқдим ва ўз ишимни қилдим. Хасиевнинг ҳимояси кучли эмаслигини пайқадим ва пайт топиб, унинг жигар қисмига кучли зарба йўлладим.

Айтишни истардимки, ўз олдимга Флойд Мейвезер ва Мэни Пакьяо каби жаҳон чемпиони бўлиш мақсадини қўйганман», деган боксчи.

23 март куни Екатеринбург шаҳрида ташкил қилинган бокс кечасида ўзининг навбатдаги жангини ўтказган Элнур Абдураимов Дмитрий Хасиевни 6 раундлик жангнинг 2-раундида нокаутга учратди ва муддатидан аввал ғалаба қозониб, ўзининг ғалабали сериясини давом эттирди. «Замин»ни Telegram’да ўқинг!