Ўзбекистонлик оғир вазн тоифасидаги ММА жангчиси Ҳабиб Нурмагомедов промоушенида жанг қилади

Юртимизнинг кўзга кўринган ММА жангчиси Амин Эргашевнинг навбатдаги жанг санаси ва рақиби маълум бўлди.
Оғир вазн тоифасида ўз жангларини ўтказиб келадиган юртдошимиз Ҳабиб Нурмагомедовга тегишли EFC (Eagle Fighting Championship) промоушенида октагонга кўтарилади.

Унга россиялик Дмитрий Хвалченко рақиблик қилади. Рус жангчиси фаолияти мобайнида 4 та жанг ўтказган ва уларнинг иккитасида ғалаба қозонган. Икки бора эса муваффақиятсизликка учраган.

Ҳамюртимининг рекорди эса 10-4 кўринишга эга. Мазкур тўқнашув 6 апрель куни Москва шаҳрида ташкил этилувчи “EFC 35” турнирида бўлиб ўтади.

Ушбу жангда ҳамюртимизга омад ёр бўлишини тилаб қоламиз!