GTA 6 энг кутилган ўйинлардан бири ҳисобланади. Консоллар учун чиқарилиш санаси 2025 йилнинг кузига белгиланган, бироқ кўплаб геймерлар компьютер версиясини ҳам интизорлик билан кутмоқда. Rockstar Games расман маълумот бермаган бўлса-да, ўйиннинг PC версияси ҳақидаги миш-мишлар тобора аниқ шаклга кириб бормоқда.
Corsair бош директори Энди Полнинг сўзларига кўра, GTA 6 компьютер учун 2026 йил бошида чиқиши мумкин.
Бу ҳақда у яқинда бўлиб ўтган учрашувда, аппарат бозоридаги тенденциялар ва янги Blackwell 50 видеокарталарига бўлган қизиқиш ҳақида гапирар экан айтиб ўтган. Полнинг таъкидлашича, GTA 6 юқори техник талабга эга бўлади ва бу компьютер жиҳозлари бозорининг ўсишига туртки бўлиши мумкин.
Шунга қарамай, Rockstar ҳали PC версиясининг чиқиш санасини тасдиқламаган. Бироқ, яқинда Take-Two раҳбари Штраус Зелник компьютер бозори компания учун тобора муҳим аҳамият касб этаётганини ва бу платформа умумий ўйин савдоларининг 40% гача улушини эгаллаши мумкинлигини айтган.
Бу ёндашув Rockstar учун янгилик эмас, чунки компания аввал ҳам GTA 5 ва Red Dead Redemption 2 ўйинларида PC версиясининг чиқарилишини кечиктириш стратегиясидан фойдаланган. Агар Энди Полнинг тахминлари тўғри чиқса, GTA 6 компьютер фойдаланувчилари консоллардан тахминан олти ой кейин ўйин билан танишиш имкониятига эга бўлишади.
Ҳозирча бу фақат тахмин бўлиб, расмий тасдиқланмаган маълумотларга асосланган бўлиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
