Tesla компанияси асосчиси Илон Маск компаниянинг янги автоном роботи – Optimusнинг жанг машғулотидаги видеoтасвирини ижтимоий тармоқдаги X саҳифасида эълон қилди.
Видеода робот инсон билан кунг-фу машғулотида иштирок этиб, ҳаракатларга синхрон тарзда жавоб қайтараётгани, зарба ва ҳимоя блокларини мувофиқлаштирилган услубда, раққосликқа ўхшаш ҳаракатлар билан бажараётгани кўриниб турибди.
Маскнинг таъкидлашича, робот ўз ичига ўрнатилган сунъий интеллект орқали мустақил ҳаракат қилади ва инсон бошқарувисиз ишлайди. Шунингдек, у тезлиги ва ҳаракатларининг силлиқлиги сезиларли даражада яхшиланганини маълум қилди.
Tesla компаниясининг сунъий интеллект бўйича вице-президенти Ашок Эллусвами компания Optimus роботлари ва автопилот тизимли электромобиллар учун ягона AI платформасини яратиш устида фаол ишлаётганини билдирди.
Маълумот учун, Tesla Optimus илк бор 2021 йил 19 августда тақдим этилган ва 2022 йилда ишчи прототипи намойиш қилинган. Қурилмани 2026 йилда омма учун сотувга чиқариш режалаштирилмоқда.
“Zamin”ни Telegram'да ўқинг!
