DeepSeek компанияси ўзининг янги сунъий интеллект моделини 75 фоизли чегирма билан тақдим этди

Хитойнинг "DeepSeek" компанияси ўзининг яқинда тақдим этилган "DeepSeek-V4-Pro" сунъий интеллект модели учун ишлаб чиқувчиларга 75 фоизлик чегирма таклиф қилмоқда. Ушбу акция 5 майга қадар давом этиши белгиланган. Бу ҳақда Ixbt.com хабар беради.

Компания, шунингдек, барча API моделлари учун кириш маълумотларини кешлаштириш нархини бирданига 10 бараварга пасайтирди. Ўтган жума куни тақдим этилган "V4" модели "Huawei" тизимлари учун мослаштирилган бўлиб, унинг кучли "Pro" ва енгил "Флаш" версиялари чиқарилган.

Ўтказилган тест синовларида "Pro" версияси очиқ кодли моделлар орасида юқори натижа кўрсатиб, фақат "Google Gemini-Pro-3.1" моделидан ортда қолган. Стартап маълумотларига кўра, янги моделлар мураккаб вазифаларни бажарувчи сунъий интеллект агентлари билан ишлаш учун жуда қулайдир.

Шу билан бирга, АҚШ Давлат департаменти Хитой компаниялари, жумладан, "DeepSeek" томонидан Америка лабораторияларидан интеллектуал мулкни ўғирлашга уринишлар бўлаётгани ҳақида огоҳлантириш билан чиққан эди.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг