Sber жамоаси ўзининг GigaChat сунъий интеллект ёрдамчисида тасвирларни яратиш ва таҳрирлаш имкониятларини кенгайтирувчи Kandinsky 6.0 Image флагман моделини эълон қилди. Ушбу янгиланиш фойдаланувчиларга профессионал даражадаги воситалардан чекловсиз фойдаланиш имконини беради. Бу ҳақда Ixbt.com xabar беради.
Янги модель аввалгиларига қараганда тезроқ ишлайди ва мураккаб сўровларни аниқроқ тушуниб, юқори даражадаги деталларга эга суратларни яратади. Унинг ёрдамида суратларни реставрация қилиш, замонавий визуал услубларга мослаштириш, нейрофотосессиялар ўтказиш, кийим ва суратга олиш жойини ўзгартириш каби амалларни бажариш мумкин.
Kandinsky 6.0 Image модели Михтуре оф Эхпертс (MoE) деб номланган янги архитектурага асосланган. Бу тизим ҳар бир сўровни қайта ишлаш учун автоматик равишда энг мос келадиган «эксперт» алгоритмларни танлаб олади.
Шунингдек, моделга ўрнатилган қидирув тизими унга долзарб мавзуларда яхшироқ натижа беришга ёрдам беради.
Ҳозирда барча янги функциялар GigaChat хизматининг веб-талқинида, мобил иловасида ва мессенжерлардаги ботларида ишга туширилган. Фойдаланувчилар ретуш қилиш, макияж қўшиш ва бошқа таҳрирлаш воситаларидан бепул фойдаланишлари мумкин.
“Zamin”ни Telegram'да ўқинг!
