Xiaomi компанияси ўзининг янги Xiaomi 17 туркумига мансуб Xiaomi 17 Max смартфонининг илк расмий тасвирларини намойиш этди. Гарчи тақдимотнинг аниқ санаси ҳали маълум қилинмаган бўлса-да, қурилма май ойида кенг жамоатчиликка кўрсатилиши кутилмоқда. Бу ҳақда Ixbt.com хабар беради.
Янги смартфон Леика билан ҳамкорликда ишлаб чиқилган илғор камера тизими билан жиҳозланади. Қурилма қора, кўк ва оқ рангларда тақдим этилади, унинг дизайни устида эса Redmi жамоаси ишлаган. Xiaomi ушбу моделни йирик форматдаги флагманлар синфида янги стандарт сифатида тақдим этмоқда.
Техник хусусиятларга кўра, смартфон Qualcomm Snapdragon 8 Элите Ген 5 процессори, 1,5К аниқлигидаги 6,9 дюймли экран ва 200 ҳамда 50 мегапикселли сенсорларга эга камера билан жиҳозланади. Шунингдек, қурилмага ультратовушли бармоқ изи сканери, сувдан тўлиқ ҳимоя тизими ва рекорд даражадаги 8000 мА/соат сиғимли аккумулятор ўрнатилиши кутилмоқда.
“Zamin”ни Telegram'да ўқинг!
