Киберхавфсизлик бўйича тадқиқотчи Доннча О Сеарбҳаилл ўзининг Signal аккаунтига келган шубҳали хабарни аниқлади. Хабарда гўёки Signal хавфсизлик хизмати номидан фойдаланувчи қурилмасида маълумотлар сизиб чиқиши кузатилгани ва буни олдини олиш учун махсус кодни киритиш кераклиги айтилган. Амнестй Интернатионал ташкилотининг Хавфсизлик лабораториясини бошқарадиган мутахассис бу фирибгарлик эканлигини дарҳол англади. Бу ҳақда Techcrunch.com хабар беради.
О Сеарбҳаилл ушбу ҳужумни шунчаки эътиборсиз қолдирмасдан, уни чуқурроқ ўрганишга қарор қилди. Тадқиқотчи бу каби фишинг уринишлари ортида Россия ҳукумати билан боғлиқ хакерлик гуруҳи турганини аниқлади. Хакерлар фойдаланувчиларни алдаб, уларнинг аккаунтларини ўз назорати остидаги қурилмаларга боғлашга уринишган.
АҚШнинг СИСА агентлиги, Буюк Британия ва Нидерландия разведка хизматлари ҳам айнан шу турдаги киберҳужумлар ҳақида огоҳлантириш берган эди. Дер Спиегель нашрининг маълум қилишича, ушбу кампания доирасида Германиядаги юқори лавозимли сиёсатчилар ҳам зарар кўрган.
Тадқиқотчи ўз кузатувлари натижасида ушбу хакерлик ҳужуми 13 500 дан ортиқ фойдаланувчига қаратилганини маълум қилди. Signal платформаси ҳам ўз навбатида фойдаланувчиларни фишинг хавфидан огоҳлантириб, ҳеч қачон шубҳали ҳаволалар орқали кодларни киритмасликни тавсия қилмоқда.
“Zamin”ни Telegram'да ўқинг!
