Jeff Bezos ва ЛА Dodgeрс эгаси Марк Валтер томонидан қўллаб-қувватланаётган Слате Ауто стартапи 24-июн куни ўзининг ҳамёнбоп электромобили нархларини эълон қилади. Шу куни компания қайтариб берилмайдиган дастлабки буюртмаларни қабул қилишни бошлайди. Илк етказиб бериш жараёнлари жорий йилнинг охирига қадар амалга оширилиши режалаштирилган. Бу ҳақда Techcrunch.com хабар беради.
Компания пайшанба куни потенциал харидорларга электрон хатлар юбориб, уларни 50 долларлик брон қилишга чорлади. Кейинги ойда бошланадиган 300 долларлик расмий преордер (олдиндан буюртма) босқичида навбатни сақлаб қолиш учун ушбу тўлов муҳим аҳамиятга эга. Слате Ауто аввалроқ нархлар июн ойида маълум қилинишини вада қилган эди ва янгиланган ФАҚ бўлими буни тасдиқлади.
Тўрт йиллик тарихга эга компания 2025-йил апрель ойида ўзининг махфий режаларини очиқлаган эди. Слате Ауто оддий, ортиқча ҳашаматсиз ва мижоз хоҳишига кўра ўзгартирилиши мумкин бўлган транспорт воситасини яратишни мақсад қилган. Дастлаб базавий модел нархи 20 000 доллардан паст бўлиши айтилган эди, бироқ федерал солиқ имтиёзлари бекор қилингач, нархлар 20 000 долларнинг ўрталарида бўлиши кутилмоқда.
Ҳозирга қадар 160 000 дан ортиқ мижоз 50 долларлик қайтариладиган тўловни амалга оширган. Компанияни бошқариш учун март ойида Amazon Маркетпласе собиқ вице-президенти Петер Фарикй бош директор этиб тайинланди. Слате Ауто шу кунга қадар жами 1,4 миллиард доллар инвестиция жалб қилган бўлиб, унинг асосий қисми Марк Валтернинг ТВГ Глобал фирмаси ҳиссасига тўғри келади.
“Zamin”ни Telegram'да ўқинг!
