15:27 / 24.06.2018
3 746

Британия кийим дўконларида ақлли кўзгу ўрнатилди

Британия кийим дўконларида ақлли кўзгу ўрнатилди
Mastercard тўлов тизими Британиядаги дўконлар учун Smart Mirror тўлов функцияли ақлли кўзгуларни ишлаб чиқарди. Бу янги ихтиро йилнинг охиригача дўконларга оммавий тарзда ўрнатилади. Smart кўзгу касса олдида тўловларни амалга ошириш учун тўпланган харидорлар сонини анча камайтиришга ёрдам беради. Шуниндек, ушбу ихтиро кийиниш хоналарига ажратилаётган вақтнинг 40% тежашга ҳам ёрдам беради.

Mastercard компаниясининг ушбу янги ихтироси ўзида RFID технологиясини қўллаб-қувватлайди (объектларнинг автоматик идентификацион радиотўлқини ). Шу сабабли бу каби кўзгулар маҳсулотни таниш кобилиятига эга. Аниқроғи, мижоз кийим алмаштириш хонасига кирганида, ақлли кўзгу бир зумда мижозга тегишли ўлчам ва рангини танлаб беради. Тўлов эса, пластик карта ёки мобил илова ёрдамида ушбу кўзгу орқали амалга оширилади.

Money 20/20 номли конференцияда намойиш қилинган кўзгу Американинг бир қатор дўконларига, жумладан Levi’s брэндининг дўконларида ўрнатилган. Яқин келажакда Smart Mirror кўзгулари Британиянинг қатор дўконларида ҳам ўз ўрнига эга бўлади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)