Ўзбекистон мобил интернет тезлиги бўйича рейтингда 132-ўринни эгаллади

Ирландиянинг Ookla компаниясига тегишли Speedtest.net интернет-сервиси 2019 йил июнь ойи якунлари бўйича жаҳонда мобил ва симли интернет тезлиги ҳақидаги маълумотларни ўз ичига олган Speedtest Global Index ойлик рейтингини эълон қилди.

Ўзбекистоннинг позициялари қуйидагича кўриниш олди:
- мамлакат мобил интернет тезлиги бўйича ўз позициясини янада пасайтирди ва 9,63 Мбит/с. тезлик билан 132-ўринни эгаллади;
- симли интернет тезлиги бўйича 17,07 Мбит/с. тезлик билан 177 давлат орасида 116-ўриндан жой олди.

Жанубий Корея (90,06 Мбит/с.) мобил интернет тезлиги, Сингапур (195,88 Мбит/с.) симли интернет тезлиги бўйича биринчи ўринни эгаллаган.

Speedtest сервисдан ўз уланиши тезлигини текширишда фойдаланувчи шахслардан олинган маълумотлар асосида тезликни ҳисоблаб чиқаради ҳамда рейтингни шакллантиради.

Янгиликлар