UMS «супер оптимал» тарифни ишга туширди

UMS (Universal Mobile Systems) мобил оператори янги «Super Optima» тариф режасини тақдим этди. Унинг ойлик $8 абонент тўловига Ўзбекистон бўйлаб 700 дақиқа бепул қўнғироқлар ва 350 мегабайт мобил Интернети киритилган.

«Super Optima» абонентлар, ижтимоий тармоқлардаги UMS саҳифалари ихлосмандларининг истак ва таклифларини инобатга олинган холда ишлаб чиқилди. Шундай қилиб, уяли алоқанинг кўплаб фойдаланувчилари кутган тариф компаниянинг ўрта нархдаги сегментга кирувчи ва оммабоп тарифлари бўлган «Optima» ва «MaxiNew» қаторидан жой олди.

Ўзбекистон бўйлаб чиқувчи қўнғироқлар учун ажратилган 700 дақиқанинг 350 дақиқаси тармоқ ичида фойдаланишга, қолган 350 дақиқаси эса бошқа мобил операторлар ва шаҳар телефон тармоқлари рақамларига қўнғироқларга мўлжалланган. Бунлан ташқари, тариф учун «Тўлдирилганлик учун бонус» акцияси амал қилмоқда – абонент ҳисобини бир мартада $4 ва ундан кўпроққа тўлдирганда, унга UMS тармоғи доирасида қўнғироқлар учун 7 кунга 400 дақиқа берилади. «Super Optima» тариф режасига уланиш ҳам бепул – тўланган бошланғич тўплам нархи тўлалигича балансга тушади.

— «Янада яхшироқ, янада кўпроқ, янада қулайроқ! Шунчаки супер!» — янги тарифнинг бу слогани хаётда юқори натижаларга интилаётган фаол инсонларга аталган. Умид қиламизки, таклифимиз уларга талабларга мос ҳақиқий омадга эришишга кўмак беради, — дея, «Super Optima»ни йўлга қўйилганлиги бўйича изоҳ беради Андрей Мамаев, UMSнинг Маркетинг ва операторлик бизнесини ривожлантириш департаменти директори.