Табиий шифобахш воситалар орасида алоэ вера ва асал аралашмаси инсон саломатлиги учун бетакрор фойдага эга экани кўплаб тадқиқотларда қайд этилган. Бу икки табиий маҳсулот алоҳида ҳолда ҳам фойдали бўлса-да, уларнинг бирлашмаси организм учун янада кучли шифо манбаига айланади.
Ҳазм тизими фаолиятини яхшилаш
Алоэ вера ва асал бирикмаси овқат ҳазм қилиш тизимига ижобий таъсир кўрсатади. Алоэнинг ички деворларини юмшатувчи ва қон айланишини яхшилайдиган хусусиятлари туфайли ич қотиши, қорин дам бўлиши, ошқозон яллиғланиши каби муаммоларни бартараф этишда ёрдам беради. Асал эса табиий ферментлар ва органик кислоталар билан бой бўлиб, ошқозонни фаоллаштириб, овқатни тез ва енгил ҳазм қилишга ёрдам беради.
Яллиғланишга қарши кучли таъсир
Алоэ ва асал ўзининг яллиғланишга қарши кучли таъсири билан танилган. Алоэдаги полисахаридлар организмдаги яллиғланиш жараёнларини пасайтиради, айниқса, ичак ёки теридаги шиш ва оғриқни камайтиради. Асал эса табиий антисептик ҳисобланади. У бактерия ва микробларни йўқотишда, иммун тизимини мустаҳкамлашда муҳим роль ўйнайди.
Тери парвариши учун самарали ниқоб
Алоэ вера терини чуқур намлантирувчи, унинг таркибий мувозанатини тикловчи ва регенерация жараёнларини тезлаштирувчи восита сифатида тан олинган. Асал эса антибактериал хусусиятлари билан теридаги иллатлар — акне, тошмалар ва қўзғалишларни бартараф этишда самаралидир. Ушбу икки моддадан тайёрланган ниқоблар терини озиқлантиради, уни ёруғ ва мукаммал ҳолатга келтиради.
«Замин»ни Telegram’да ўқинг!
