Foto: Omar Marques/Getty Images
Rossiya bosqinidan himoyalanayotgan Ukrainaga F-16 qiruvchi samolyotlarini yetkazib berish qarorini Yevropa davlatlari emas, AQSH qabul qilishi kerak, deb hisoblaydi Germaniya va Buyuk Britaniya. Buyuk Britaniya o‘zining F-16 samolyotlariga ega emas, shuning uchun London faqat ukrainalik uchuvchilarni tayyorlashda yordam berishga tayyor, dedi Buyuk Britaniya mudofaa vaziri Ben Uolles 17 may, chorshanba kuni Berlinga tashrifi chog‘ida.
O‘z navbatida, Germaniya mudofaa vaziri Boris Pistorius Uolles bilan qo‘shma matbuot anjumanida Germaniyaning ham o‘zining F-16 samolyotlari yo‘qligini ta’kidladi. Shu bilan birga, u GFRda bo‘lgan Tornado va Eurofighter qiruvchi samolyotlari Ukrainada foydalanish uchun mos emasligini, biroq Berlin Kiyevni boshqa turdagi qurollar yetkazib berishda qo‘llab-quvvatlashini aytdi. "Biz tanklar va havo hujumidan mudofaa bo‘yicha mutaxassismiz. Bu sohalarda biz Ukrainani qo‘llab-quvvatlashda yetakchi rol o‘ynaymiz. Bu o‘zgarishsiz qoladi", - deya ta’kidladi Boris Pistorius.
Avvalroq Germaniya Mudofaa vazirligi vakili Buyuk Britaniya va Niderlandiya tomonidan Ukraina uchun F-16 samolyotlarini xarid qilish bo‘yicha koalitsiya tuzilgani haqidagi xabarlarni olqishlagandi. Biroq, hozir Bundesverdan ma’lum bo‘lishicha, bu maqsadda samolyotlarni o‘z zaxiralaridan o‘tkazish ko‘zda tutilmagan. Hozirda ustuvor vazifa Ukraina havo mudofaasini kuchaytirishdan iborat va Germaniya bunda ishtirok etib, Kiyevni eng zamonaviy zenit tizimlari bilan ta’minlamoqda, deya qo‘shimcha qildi Germaniya Mudofaa vazirligi vakili.
Bir kun avval Reykyavikda bo‘lib o‘tgan Yevropa kengashi sammiti chog‘ida Buyuk Britaniya va Niderlandiya Ukraina uchun F-16 qiruvchi samolyotlarini xarid qilish bo‘yicha koalitsiya tuzishga kelishib olgani ma’lum qilingan edi. U Kiyevga harbiy samolyotlar yetkazib berishni qo‘llab-quvvatlaydi, deyiladi Britaniya bosh vaziri Rishi Sunak idorasi tarqatgan bayonotda. Yordam, jumladan, uchuvchilarni tayyorlash va F-16 samolyotlarini sotib olishda ko‘rsatiladi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Putin Xitoy talabalariga qanday maslahat berdi?
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Orzudagi uy — qishda issiq, yozda salqin. Bunga qanday erishish mumkin?
Ukraina prezidenti mahbuslarni safarbar qilish to‘g‘risidagi qonunni imzoladi
Messining salkam 1 million dollarga sotilgan salfetkasi haqida
Eron prezidentini olib ketayotgan vertolyot halokatga uchradi
Pnevmatik qurollarni o‘z ixtiyori bilan topshirganlar javobgarlikdan ozod etiladi
“Umra” ziyoratiga borib kelish tartibi takomillashtiriladi
