22:55 / 11.07.2016
5 561

Janubiy Sudandagi janglardan keyin halok bo‘lganlar soni 300dan ortdi

Janubiy Sudandagi janglardan keyin halok bo‘lganlar soni 300dan ortdi
Janubiy Sudan poytaxti – Juba shahridagi to‘qnashuvlar natijasida 300 dan ko‘proq odam halok bo‘ldi. Bu haqda 11 iyulda The Guardian asosida “Kun” xabar berdi.

Gazeta ma’lumotlariga ko‘ra, jangga prezident Salve Kiir tarafdorlari va vise-prezident Rieka Masharga sodiq kuchlar kirishgan. Ixtilof ishtirokchilarining aytishicha, o‘tgan yil avgustida ikki tomon o‘rtasida tuzilgan tinchlik sulhi barbod bo‘lish yoqasida turibdi.

10 iyulda Jubadagi to‘qnashuvlarda 270 dan ko‘proq odam halok bo‘lgani ma’lum qilingandi. Kiir va Mashar tarafdorlari o‘rtasidagi qarama-qarshilik 8 iyulda yangi tinchlik sulhini tuzishni rejalashtirgan ikki etakchining uchrashuvi oldidan yuz berdi Masharning aytishicha, uning qo‘shinlari Kiir kuchlari tomonidan zarbaga uchragan. Mashar hali ham mamlakatda tinchlik o‘rnatilishiga umid qilmoqda. Janglar davomida xitoylik tinchlikparvar askari halok bo‘ldi.

Janubiy Sudan 2011 yilda mustaqillikka erishgan. 2013 yilda mamlakat prezidenti va vise-prezidenti o‘rtasida ixtilof boshlangan va hozirgacha davom etmoqda. Kiir o‘shanda davlat to‘ntarishi bartaraf etilganini aytgan va bunda Masharni ayblagan.

Mashar aprelda mamlakatning birinchi vise-prezidenti lavozimiga qaytgandi. Bu 8 oy avval erishilgan tinchlik kelishuvi shartlariga ko‘ra amalga oshirilgandi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Janubiy Sudandagi janglardan keyin halok bo‘lganlar soni 300dan ortdi