Peskov: “Rossiyada Amerikaga qarshi kayfiyat yo‘q, mamlakatlarimiz bir-biriga dushman emas”

^{Foto: TASS}
Rossiyaliklar va amerikaliklar bir-biriga o‘xshash. Ikki mamlakat aslo bir-biriga dushman emas. Bu haqda Rossiya prezidenti matbuot kotibi Dmitriy Peskov 6 mart kuni ma’lum qildi. Bu haqda TASS nashri xabar berdi.

Butunjahon yoshlar festivali doirasida nutq so‘zlagan Peskov Rossiyada Amerikaga qarshi kayfiyat yo‘qligini bildirgan. Siyosatchiga ko‘ra, Moskva faqat Rossiyani haqorat qilayotgan amerikalik siyosatchilarnigina yoqtirmaydi.

“Amerika hozirda dunyodagi eng qudratli davlat. Ular bizga juda o‘xshash. Dunyo bo‘ylab ko‘plab odamlar Amerikada yaratilayotgan yangiliklardan foydalanmoqda. Bizning mamlakatimiz ham ular ichida bor va bu juda yaxshi”, — deya qo‘shimcha qilgan Peskov.

Rossiya vakili ikki davlat munosabatlaridagi taranglik vaqtincha ekanini ma’lum qilgan. Ertami-kechmi AQSH va Rossiya xalqlari bir-birlariga dushman emasliklarini anglab yetishlariga ishonch bildirgan. “Zamin” yangiliklarini “Telegram”da kuzatib boring