09:48 / 31.08.2016
6 408

Putin Obama bilan qayerda va qachon uchrashishi aytildi

Putin Obama bilan qayerda va qachon uchrashishi aytildi
Rossiya prezidenti Vladimir Putin va AQSh davlat rahbari Barak Obama G20 sammitida uchrashadi. Bu haqda Rossiya prezidentining matbuot kotibi Dmitriy Peskov bugun, 30 avgust kuni xabar berdi. Bu haqda "RIA Novosti"ga asoslanib "Qalampir.uz" xabar berdi.

“Rossiya va AQSh prezidentlari G20 sammiti doirasida uchrashishi aniq. Lekin ularning alohida uchrashuvi haqida davlat rahbarlarining o‘zlari qaror qabul qiladilar”, deydi Peskov.

G20 sammiti 4-5 sentyabr kunlari Xitoyning Xanchjou shahrida bo‘lib o‘tadi. Unda davlat rahbarlari asosan “Innovasion, sog‘lom, izchil va inklyuziv jahon iqtisodiyotini barpo etish” mavzusini muhokama qiladilar.

Ma’lumot uchun, G20 (The Group of Twenty) dunyodagi eng rivojlangan va rivojlanayotgan iqtisodiyotga ega davlatlarning klubi hisoblanadi. Unda dunyoning 20ta eng yirik iqtisodiyotga ega davlati ishtirok etadi. Mazkur klub 1999 yilda tashkil etilgan. 2008 yildan buyon G20 sammitlari davlat rahbarlari darajasida ham o‘tkazilib kelinadi. Quyidagi havola orqali klubga a’zo davlatlarni ko‘rishingiz mumkin.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Putin Obama bilan qayerda va qachon uchrashishi aytildi