Foto: Getty Images
Polsha huquq-tartibot idoralari Rossiya va Belarus o‘rtasida Polshadagi barqarorlikni buzishga qaratilgan qo‘shma qo‘poruvchilik operatsiyasini tayyorlagan hakerlar guruhini fosh qildi. Bu haqda Varshavada 9 sentyabr, dushanba kuni mamlakat bosh vaziri o‘rinbosari, raqamlashtirish vaziri Kshishtof Gavkovskiy ma’lum qildi. Unga ko‘ra, Belarus hududidan faoliyat olib borgan hakerlar Polsha davlat idoralari va harbiy buyurtmalarni bajaruvchi davlat kompaniyalari resurslariga buzib kirishgan.
Kiberjinoyatchilarning vazifalari orasida «ma’lumotni tovlamachilik yo‘li bilan olish, shaxslar va tashkilotlarni shantaj qilish, shuningdek, haqiqiy kiberurush olib borish» bo‘lgan, dedi vazir. Misol tariqasida u Polshaning antidoping agentligi POLADA'ga hakerlar hujumini keltirdi.
Kshishtof Gavkovskiy guruhda qancha odam borligi, shuningdek, qo‘lga olinganlar soniga aniqlik kiritmadi. Uning qo‘shimcha qilishicha, yil boshidan buyon 400 mingta ehtimoliy kiberhujumlar qayd etilgan, bu butun 2023 yildagidan (370 ming) sezilarli darajada ko‘p.
Germaniya kontrrazvedkasi Rossiyadan kiberhujumlar xavfi haqida ogohlantirdi
Germaniyada demokratik qonun ustuvorligiga tahdidlarni kuzatish va kontrrazvedka faoliyatini o‘z ichiga olgan Konstitutsiyani himoya qilish federal idorasi Rossiyaning Yevropa Ittifoqi davlatlari va NATO obyektlariga hakerlik hujumlari tahdidi haqida ogohlantirdi. Tegishli ogohlantirish 9 sentyabr kuni idora saytida chop etilgan xabarda keltirilgan.
Unda aytilishicha, idora xalqaro hamkorlar bilan birgalikda Rossiya qurolli kuchlari bosh shtabi bosh boshqarmasining (ilgari "GRU" nomi bilan mashhur bo‘lgan) 29155-bo‘linmasi tomonidan kiberhujumlarning hozirgi tahdidi haqida ogohlantiradi. Shuningdek, postda Konstitutsiyani himoya qilish federal idorasi Amerika razvedka idoralari bilan birgalikda Rossiyaning butun dunyo bo‘ylab kiberfaoliyati haqida ma’lumot beruvchi 5 sentyabrdagi xabarga havola ham mavjud.
Hisobotda, shuningdek, 29155-bo‘linmaning qo‘poruvchilik harakatlari va qotillikka urinishda ishtirok etgani ma’lum qilingan. Bu bo‘linma, boshqa narsalar qatorida, 2018 yilda ikki tomonga ishlagan agent Sergey Skripalni zaharlashda ayblanmoqda. "GRU" polkovnigi Skripal Britaniya razvedkasiga o‘tib ketgan, fosh etilgan va 2010 yilda josuslar almashinuvining bir qismi sifatida qo‘yib yuborilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
O‘mon sultonligi elchisi: «Urushlarni harbiy kuch bilan hal qilib bo‘lmaydi»
2026 yilda bo‘lajak mundialning favoritlari reytingi taqdim etildi
Italiya sudi Quddus Isroil poytaxti emasligi haqida qaror chiqardi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Xalqaro jinoyat sudining orderi Isroilni nega qo‘rqityapti?
