Foto: Valentyn Ogirenko / Reuters
Ukraina qurolli kuchlari sobiq bosh qo‘mondoni, general Valeriy Zalujniy Ukraina armiyasining Kursk oblastidagi operatsiyasiga qarshi chiqdi. Bu haqda Politico 16 sentyabr, dushanba kuni yozdi.
Nashrning yozishicha, Zalujniy Rossiya hududiga bostirib kirishga qarshi chiqqan, chunki Ukraina rahbariyati chegarani buzib o‘tganidan keyin «aniq keyingi qadam»ga ega bo‘lmagan. Nashr manbaning so‘zlaridan iqtibos keltirgan: «U Zelenskiydan aniq javob olmadi, buni xavfli o‘yin deb hisoblagan». Valeriy Zalujniyning o‘zi Ukraina qurolli kuchlarining Kursk yaqinidagi operatsiyasi haqida izoh taqdim etish so‘roviga javob bermadi, deb yozadi Politico.
Jurnalistlarning ta’kidlashicha, Kursk oblastidagi operatsiyaga rozi bo‘lmagan ikkinchi shaxs Ukraina qurolli kuchlari 80-hujumkor-desant brigadasi qo‘mondoni Emil Ishqulov bo‘lgan. Nashrning Ukrainaning yuqori martabali harbiylari orasidagi manbalariga ko‘ra, Ishqulov o‘z brigadasi Rossiya hududida himoyasiz qolishi va katta yo‘qotishlarga duchor bo‘lishidan qo‘rqqan.
Ukraina OAV Emil Ishqulovning brigada komandiri lavozimidan ozod etilgani, uning bo‘linmalari komandirlari esa Ishqulovni lavozimini saqlab qolmaslik haqidagi murojaati bilan mamlakat harbiy rahbariyatiga videomurojaat yozishgan. Bunga javoban ularga harbiy xizmatchi yuqori lavozimga tayinlangani aytilgan, ammo uning o‘zi lavozimi pasaytirilganini e’lon qilgan.
Zelenskiyning aytishicha, Kursk operatsiyasi Donbassda Ukrainaga yordam bergan. Politico manbalari buni rad etyapti
Politico maqolasida Ukraina prezidenti Volodimir Zelenskiyning «Yalta Yevropa strategiyasi» (YES) konferensiyasidagi nutqidan parchalar keltirildi. U Donbassdagi vaziyat og‘ir bo‘lsa-da, normallashayotganini ta’kidlaydi. Bunga sabab, deb hisoblaydi Zelenskiy, Rossiya qo‘shinlarining Donetsk yaqinidan Kursk oblastiga o‘tkazilishi. Uning nuqtayi nazarini Ukraina qurolli kuchlarining amaldagi bosh qo‘mondoni, general Aleksandr Sirskiy qo‘llab-quvvatladi.
Biroq nashr suhbatlashgan askarlar Donetsk viloyatida Ukraina qurolli kuchlarining tez o‘sib borayotgan yo‘qotishlari haqida gapirdi. Bu mamlakat harbiy rahbariyatini mudofaa uchun Kurskdan mintaqaga bir nechta bo‘linmalarni o‘tkazishga majbur qildi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ukraina Kursk oblastida egallab olgan hududlarining 40 foizdan ortig‘ini yo‘qotdi
