Foto: Kirill Kuxmar / TASS
30 sentyabr, dushanba kuni Inson huquqlarini himoya qilish xalqaro jamiyati (Internationale Gesellschaft für Menschenrechte - IGFM) ma’lum qilishicha, hozirda Rossiya qamoqxonalarida 14 mingdan ortiq ukrainalik saqlanmoqda. Huquq himoyachilariga ko‘ra, Rossiya Federatsiyasining kamida 10 ta hududida Ukraina fuqarolari hibsga olingan maxsus muassasalar mavjud.
Ukrainaga qaytishga muvaffaq bo‘lgan mahbuslarning aytishicha, qamoqda o‘tirganlarida ular jismoniy, ruhiy va jinsiy zo‘ravonlikka uchragan. «Mehnat lagerida meni zo‘rlashdi va qiynoqqa solishdi», dedi olti oydan ko‘proq asirlikda o‘tirgan Zaporijjya oblastida yashovchi Yelena Yagupova. Xersonlik Aleksandr Tarasov bir yilni Rossiya asirligida o‘tkazgan, u elektroshoker bilan qiynoqqa solinganini va Ukraina fuqarolarini o‘g‘irlashda ishtirok etganlarga nisbatan shaxsiy sanksiyalar qo‘llanishiga erishish niyatida ekanini aytdi. «Biz xalqaro sud oldida javob berishi kerak bo‘lgan tuzilma, sudyalar va politsiya haqida bilamiz», deb ta’kidlaydi erkak.
Ukraina 55 ming kishini bedarak yo‘qolgan deb tan oldi
Rossiyaning agressiv urushi tufayli bedarak yo‘qolgan ukrainaliklar ro‘yxatida hozirda 55 ming kishi bor, ularning aksariyati harbiylardir. Bu haqda 26 sentyabr kuni Ukraina ichki ishlar vaziri o‘rinbosari Leonid Timchenko «Ukrinform» nashriga ma’lum qildi.
«Bu ko‘rsatkich ancha dinamik: bedarak yo‘qolganlarning joylashuvi aniqlanganda, ba’zi hollarda fuqaro, masalan, asirlikda ekani ma’lum bo‘ladi», — dedi Timchenko va halok bo‘lganlar vaqti-vaqti bilan bedarak yo‘qolgan deb topilganlar orasida aniqlanib borilishini qo‘shimcha qildi.
Ukrainada 2023 yil may oyida bedarak yo‘qolgan fuqarolar to‘g‘risidagi ma’lumotlar kiritila boshlangan yagona reyestr ishga tushirildi. O‘shanda mamlakat Ichki ishlar vazirligi 23 ming kishi bedarak yo‘qolganini ma’lum qilgan. 2024 yil iyul oyida vazirlik ma’lumotlarni yangilab, reyestrga 42 ming ukrainalik kiritilgani haqida xabar berdi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK Dnepr deltasidagi eng yirik orollardan chiqarib yuborildi
“Hizbulloh” Isroilning Livandagi operatsiyasiga tayyorligini e’lon qildi
Aholi hayoti va sog‘lig‘iga haqiqiy xavf soluvchi mezonlar reyestri ishlab chiqiladi
Olimlar artrit va qandli diabetni tashxislash uchun mini-skaner yaratdi
Olimlar Alsgeymer kasalligining rivojlanishini anglatadigan yana bir alomatni aniqladi
Sudyalar maqomiga oid yangi qonun ishlab chiqish taklif qilinmoqda
Rossiyada O‘zbekiston fuqarolariga pasport olishda noqonuniy yordam bergan jinoiy guruh ushlandi
Agrar universiteti hududida sodir bo‘lgan yong‘in yuzasidan jinoyat ishi qo‘zg‘atildi