Foto: EPA
Kelgusi 25 yil ichida butun dunyo suv inqirozining kuchayishi tufayli oziq-ovqat ishlab chiqarishda muammolarga duch keladi. Bu haqda Suv resurslari iqtisodiyoti bo‘yicha xalqaro komissiya ma’lum qildi.
Yer yuzi aholisining yarmida suv tanqisligi allaqachon boshlangan va bu raqam iqlim inqirozi kuchayishi bilan ortib boradi. Komissiyaning ta’kidlashicha, 2030 yilgacha chuchuk suvga bo‘lgan talab taklifdan ancha yuqori bo‘ladi.
Hisobotda ta’kidlanishicha, davlatlar va mutaxassislar bir kishiga bir kunda zarur bo‘ladigan suv miqdorini to‘g‘ri baholay olmayapti: salomatlik va gigiyenani saqlash uchun kuniga 50-100 litr suv talab etilsa, munosib hayot kechirish, shu jumladan, ovqatlanish uchun taxminan 4000 litr suv kerak bo‘ladi. Aksariyat hududlarda bunday miqdordagi suvni topish imkonsiz.
Suv resurslari iqtisodiyoti bo‘yicha xalqaro komissiya suv resurslarining holati haqida tasavvur hosil qilish maqsadida 2022 yilda Niderlandiya tomonidan tashkil etilgandi. Uning hisoboti suv inqirozi bo‘yicha eng keng qamrovli tadqiqot hisoblanadi.
Avvalroq Yevropa atrof-muhit agentligi Yevropadagi ko‘llar va daryolarning faqat uchdan bir qismi yaxshi holatda ekani haqida hisobot e’lon qilgandi.
Tadqiqotchilarning ta’kidlashicha, Yevropa hududining 20 foizi va aholisining 30 foizi har yili suv tanqisligidan aziyat chekmoqda va kelajakda bu ko‘rsatkichlar iqlim o‘zgarishi tufayli oshishi mumkin. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Italiya sudi Quddus Isroil poytaxti emasligi haqida qaror chiqardi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
