Foto: AFP/Getty Images
Xalqaro energetika agentligining (XEA) ta’kidlashicha, konditsionerlardan foydalanishning ortib borishi kelgusi o‘n yillikda dunyo elektr tarmog‘iga yuklamalarni keskin oshiradi va kutilmagan oqibatlarni keltirib chiqarishi mumkin. Bu haqda FT yozdi.
Energiya xavfsizligini nazorat qiluvchi XEA tadqiqotchilarining ta’kidlashicha, rivojlanayotgan mamlakatlarda daromadlar ortib borishi va iqlim o‘zgarishi tufayli uy konditsionerlaridan foydalanish ko‘payadi, mos ravishda elektr quvvatiga bo‘lgan talab ham keskin oshadi.
Ushbu prognoz XEA tomonidan e’lon qilingan World Energy Outlook hisobotida keltirilgan. Unda aytilishicha, havoni sovutish uchun 2030 yilga borib 697 teravatt-soat (TWh) qo‘shimcha elektr energiyasini talab qilinadi, bu esa kompyuter ma’lumotlar markazlarining qo‘shimcha talabidan uch barobar ko‘proq. Shuningdek, XEA ma’lumotlariga ko‘ra, elektr transport vositalari uchun qo‘shimcha 854 TWh energiya talab qilinadi.
Qayd qilinishicha, AQSH va Yaponiyada uy xo‘jaliklarining 90 foizi konditsionerga ega, ammo bu Nigeriyada 5 foiz, Indoneziyada 15 foiz va Hindistonda 20 foizdan kam. Biroq, daromad darajasining oshishi va iqlim o‘zgarishi ta’sirining kuchayishi bilan odamlar konditsioner sotib olmoqda va bu elektr quvvatiga bo‘lgan talabning oshishiga ta’sir qiluvchi asosiy omil sanaladi.
XEA hisobotiga ko‘ra, 2050 yilga borib, turar-joy konditsionerlari uchun energiya iste’moli 280 foizga o‘sishi kutilmoqda. Shu davrda konditsionerlarning umumiy energiya iste’molidagi hissasi 14 foizga yetadi, bugungi kunda bu ko‘rsatkich 7 foizdan kam.
Konditsionerlar bozori o‘sishining katta darajasi rivojlanayotgan mamlakatlarda yuz beradi va XEA iqlim o‘zgarishi tez-tez issiqlik to‘lqinlariga olib keladigan bo‘lsa, talab yanada yuqori bo‘lishi mumkinligi haqida ogohlantirmoqda.
XEA global elektr energiyasiga bo‘lgan talab har yili 1000 TWh miqdorida oshib borayotganini ta’kidladi, bu Yaponiyaning bir yillik iste’moliga teng. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Har payshanba jismoniy tarbiya va sport kuni sifatida belgilanadi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Metabolizm sekinlashganining belgilari
