Foto: Gianluca Vannicelli/IPA/picture alliance
NATO himoyasi ostidagi havo politsiyasi xizmatining qiruvchi samolyotlari Ruminiya chegarasi tomon harakatlangan obyekt tufayli havoga ko‘tarildi. 19 oktyabr kuni Ruminiya Milliy mudofaa vazirligi Qora dengiz hududida, Sfintu-George aholi punktidan taxminan 45 kilometr sharqda «kichik havo obyekti» aniqlangani tufayli trevoga signalini bergan.
Nishonlar radiolokatsion kuzatuv tizimi orqali aniqlanganidan keyin Ispaniya Harbiy-havo kuchlarining (HHK) ikkita F-18 samolyoti Mixail Kogelnichanu nomidagi 57-aviabazadan, shuningdek, Ruminiya HHKning ikkita samolyoti Borchadagi 86-aviabazadan havoga ko‘tarilgan.
Noma’lum obyekt Ruminiya chegarasini Konstansa uyezdi hududida kesib o‘tgan. Milliy harbiy qo‘mondonlik markazi Favqulodda vaziyatlar bosh inspeksiyasini uyezdning shimoli-sharqiy qismidagi aholini ogohlantirish choralarini ko‘rish haqida xabardor qilgan.
«Qiruvchi samolyotlar trayektoriyaning biror nutqasida nishon bilan vizual aloqaga kirishmagan», — deyiladi mudofaa idorasi xabarida. Kuzatuv tizimi radar signalini yo‘qotib qo‘ygan, havo trevogasi bekor qilingan va samolyotlar bazaga qaytarilgan.
Ruminiya real vaqt rejimida NATOni sodir bo‘lgan holat bo‘yicha xabardor qilgan va ular bilan muntazam aloqada bo‘lib turibdi.
Iyul oxirlarida Ruminiya hududida Rossiya droni parchalari topilgandi. Mamlakat tashqi ishlar vazirligi rahbari Ukrainaga tunda uyushtirilgan hujum natijasida Rossiya uchuvchisiz uchoqlarining bo‘laklari Ruminiya hududiga qulaganini qayd etgan. O‘shanda ham hodisa haqida NATO bo‘yicha hamkorlar xabardor qilingan edi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin tibbiy tekshiruvdan o‘tmoqda...
Putin: “Rossiya Ukraina bilan mojaro tezroq va tinch yo‘l bilan tugatilishidan manfaatdor”
Asirga olingan ukrainalik askar kutilmagan iltimos bilan murojaat qildi
Putin Ukrainada yadroviy qurol paydo bo‘lishiga yo‘l qo‘ymaslikka va’da berdi
Viktor Orban: Zelenskiyning “g‘alaba rejasi” – bu aslida mag‘lubiyat rejasi
Intellektni rivojlantirish uchun kitoblarni qanday mutolaa qilish kerak?
Germaniyadagi futbol musobaqasida g‘alati natija qayd etildi (video)
Hamasning yangi rahbari ma’lum qilindi