
Rim munitsipaliteti sovuq qish oylarida boshpanasizlar uchun navesli konstruktsiyalarini qurishga 4,3 million evro ajratdi, deb xabar beradi Euronews.
Qayd etilishicha, 2024 yil bahorda Rim shahar kengashi qishda boshpanasiz insonlar uchun moʻljallangan navesli konstruktsiyalarni qurishga 4,3 million evro ajratgan. Rejaga koʻra, Termini, Tiburtina, Ostiyense va San-Petro vokzallarida har biri 70 kishini sigʻdira oladigan hamda 24 soat faoliyat yurituvchi toʻrtta palatkali boshpana ish boshlashi kerak edi. Ularni 2025 yilda Rimning yubiliyeyi munosabati bilan foydalanishga topshirish rejalashtirilgandi.
Loyiha joylar sonining kamligi va vaqtincha ekani bois tandiqlarga uchramoqda. Rimda 22 mingga yaqin boshpanasizlar mavjud, mahalliy hukumat bu kabi turarjoy manzillari sonini oshirishni va'da qilayotgan boʻlsada, ushbu choralar muhtojlarning faqat kichik qismini qamrab oladi xolos.
Caritas Ilmiy-ishlab chiqarish birlashmasining 2024 yilgi hisobotida ta'kidlanishicha, Italiyada mutlaq qashshoqlik yangi nuqtaga chiqqan — u mamlakat aholisining qariyb 10 foizini (5,7 million kishi) qamrab olgan. Hisobot mualliflariga koʻra, italiyaliklar tushib qolayotgan ogʻir vaziyat nafaqat iqtisodiy, balki uy-joy, sogʻliqni saqlash va ta'lim olish kabi ehtiyojlarni ham oʻz ichiga oladi.
ISTAT ma'lumotlarida keltirilishicha, 2021 yilda Italiyadagi 2198 ta munitsipalitetda 96 mingdan ziyod boshpanasiz inson yashagan. Ularning yarmi oltita munitsipalitet hisobiga toʻgʻri keladi, xususan, Rimning oʻzida jami boshpanasizlarning 23 foizi yashaydi.
Evropa parlamenti munosib uy-joyga ega boʻlishni insonning asosiy huquqlaridan deb hisoblaydi. Shunga asoslanib, EI qonun chiqaruvchi organi 2020 yil 24 noyabrdagi rezolyutsiyasida blokka a'zo davlatlardan 2030 yilgacha uysizlar muammosini hal etishni talab qilgan. “Zamin” yangiliklarini “Telegram”da kuzatib boring

Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar