Yaponiyada «ruhiy maummolar» tufayli ta'tilga chiqayotgan oʻqituvchilar soni oshdi

^{Foto: Getty images}
Yaponiyada 2023-2024 oʻquv yili davomida «ruhiy buzilishlar» tufayli ta'til olgan oʻqituvchilar soni 7119 nafargacha oshdi, deb xabar beradi Kyodo agentligi.

Qayd etilishicha, 2020 yildan 2023 yilga qadar har yili 5 ming nafar oʻqituvchi shu kabi sabablar bilan ta'til olgan. Ta'lim, madaniyat, sport, ilm-fan va texnologiyalar vazirligi 20 ta shahardagi ta'lim muassasalarida tadqiqotlar oʻtkazgan hamda uning natijasida Yaponiyadagi barcha oʻqituvchilarning 0,77 foizi «ruhiy buzilishlar» tufayli ta'tilga chiqqani aniqlangan.

Ularning aksariyati muammolar oʻquvchilar (26,5 foiz), hamkasblar (23,6 foiz) hamda ma'muriy ishlar (13,2 foiz) bilan bogʻliq ekanini ma'lum qilgan.

Bundan tashqari, oxirgi bir yilda ishdan boʻshagan 788 nafar oʻqituvchidan 260 nafari maktabdan ketishiga «ruhiy muammolar»ni asosiy sabab qilib koʻrsatgan.

Yaponiya Ta'lim vazirligi ushbu oʻrganishlar natijasi boʻyicha oʻqituvchilarning ruhiy salomatligini qoʻllab-quvvatlash boʻyicha choralar koʻrishga, jumladan, oʻqituvchilar sonini oshirish orqali ularning ish yuklamasini kamaytirishga va'da bergan. “Zamin” yangiliklarini “Odnoklassniki”da kuzatib boring