Los-Anjelesdagi yirik yongʻinlarga sabab boʻlgan gumonlanuvchi qoʻlga olindi

^{Foto: Getty Images}
Los-Anjeles politsiyasi «Kennet» deb nomlangan yongʻinda gumonlanuvchi aybdorni shahar tashqarisida qoʻlga oldi. Janubiy Kaliforniyadagi oʻrmon yongʻinlari allaqachon 10 mingdan ortiq binoni vayron qilgan, qurbonlar soni esa 10 kishiga etgan.

Oʻt qoʻyishda gumonlanuvchi mahalliy aholi tomonidan qoʻlga olingan va keyinroq politsiyaga topshirilgan, dedi politsiya xodimi Charlz Dinsel. Jurnalist Eliks Mayklson soʻzlariga koʻra, u 30 yoshli uysiz odam boʻlib chiqdi. U Los-Anjeles shimoli-gʻarbida keng tarqalgan «Kennett» yongʻiniga sababchi sifatida koʻrilmoqda.

Shuningdek, hududda 20 nafar shaxs odamlar tark etgan uylarda talonchilik qilganlikda gumonlanib qoʻlga olingan. Talonchilik haqidagi xabarlar ortidan komendantlik soati e'lon qilindi.

AccuWeather meteorologiya xizmati ma'lumotlariga koʻra, shahar atrofidagi yongʻinlar 135 milliard dollardan 150 milliard dollargacha zarar keltirishi mumkin, bu esa ularni Qoʻshma Shtatlardagi eng qimmat oʻrmon yongʻinlariga aylantiradi.

Ikki yirik yongʻin, jumladan «Iton» (Los-Anjeles shimoli-gʻarbida) va Pasifik-Paliseydsdagi yongʻin (sharqda) allaqachon 10 mingdan ortiq binolarni va avtomobillarni yoʻq qildi, deb yozdi AP. 180 mingdan ortiq odam hududdan evakuatsiya qilingan.

Janubiy Kaliforniyadagi oʻrmon yongʻinlari 7 yanvar kuni boshlandi. Sohil boʻylab kamida oltita yongʻin qayd etildi. Los-Anjelesning nufuzli Pasifik-Paliseyds hududi eng koʻp zarar koʻrdi. U erda turar-joy binolari, doʻkonlar va maktablar joylashgan butun kvartallar yonib ketdi. “Zamin” yangiliklarini “Telegram”da kuzatib boring