Turkiyada spirtli ichimlikdan vafot etgan oʻzbekistonliklar soni 10 nafarga etdi

^{Foto: DHA}
Istanbul shahridagi Bosh konsulxonaga Turkiyada spirtli ichimlikdan vafot etgan oʻzbekistonliklar 10 nafarga etganini ma'lum qildi.

15 yanvar kuni Bosh konsulxonaga 4 nafar fuqaroning (barchasi erkak kishi) soxta spirtli ichimlik iste'mol qilish natijasida vafot etgani boʻyicha murojaatlar kelib tushgan. 14 yanvar kuni 6 nafar fuqaro vafot etgani haqida xabar berilgan edi.

Bosh konsulxona diplomatlari ushbu holat yuzasidan Istanbul sogʻliqni saqlash, sud-tibbiy ekspertiza boshqarmasi hamda huquqni muhofaza qilish organlari bilan doimiy aloqada boʻlib turibdi. Shuningdek, konsulxona telefon raqamlari orqali kelib tushayotgan savollarga javob berilmoqda.

Bosh konsulxona barcha fuqarolarni spirtli ichimliklardan tiyilishga va ehtiyotkorlikka chaqirdi. “Zamin” yangiliklarini “Telegram”da kuzatib boring