Suriyada Rossiya tovarlarini sotish taqiqlandi

^{Foto: AFP}
Suriya Moliya vazirligi Rossiya, Eron va Isroildan tovarlar importini taqiqladi. Bu haqda Al Arabiya xabar berdi.

Agar ushbu uch davlatdan mahsulotlar aniqlansa, ularni musodara qilish koʻzda tutilgan.

Iqtisodiyotni qoʻllab-quvvatlash maqsadida yangi hukumat dollar operatsiyalariga ruxsat berganini e'lon qildi va yagona bojxona toʻlovlarining yangi toʻplamini 50 foizdan 60 foizgacha pasaytirish bilan tasdiqladi, deyiladi xabarda.

Ta'kidlanishicha, hukumatning bu qarori Suriyaga boshqa mamlakatlar, jumladan, AQShdan import oqimiga yoʻl ochdi.

Hozirgi kunda Damashqdagi doʻkonlar “import qilinayotgan mahsulotlar bilan toʻlgan: turkcha shisha suv va Saudiya oziq-ovqat mahsulotlaridan tortib, Twix va Snickers kabi gʻarbiy shokoladlar, shuningdek, Pepsi va boshqa xalqaro brendlar ichimliklariga qadar”.

Suriyaning yangi hokimiyati qabul qilgan qaror mahalliy ishlab chiqaruvchilarni qoʻllab-quvvatlash uchun xom ashyo importini yengillashtiradi va sanoatni ragʻbatlantiradi.

Eron va Isroil fuqarolariga Suriyaga kirish taqiqlandi

Suriyaning yangi hukumati Rossiya fuqarolarining mamlakatga kirishini hozircha taqiqlamagan. Isroil tovarlarini import qilishga nisbatan embargo Suriyada koʻp yillardan beri amal qilmoqda. Suriya hukumatining yangi qarori Eron va Isroil fuqarolarining mamlakatga kirishi taqiqlangani ortidan qabul qilindi. Bu chora hozircha rossiyaliklarga taalluqli emas.

Rossiya “yangi hukumatga nisbatan noaniqlik va toʻlovlarning kechikishi sababli” Suriyaga bugʻdoy etkazib berishni toʻxtatgan.

Buni don bozoridagi “RBK” agentligining suhbatdoshi ham tasdiqlagan va hozir arab respublikasida “hamkorlik qiladigan hech kim yoʻq”ligini tushuntirgan. Suriyaning yangi hukumati hanuzgacha Rossiyaga Tartus portidan qurol-yarogʻ va harbiy texnikani olib chiqib ketishga ruxsat bermayapti. Bu portda Rossiya harbiy-dengiz flotining yagona xorijiy bazasi joylashgan. Shu sababli rus kemalari yaqin atrofda suzib yurishga majbur boʻlmoqda. “Zamin” yangiliklarini “Telegram”da kuzatib boring