Amerikalik astronavtlar kosmik stantsiya bortidan yana ochiq kosmosga chiqdi

^{Foto: NASA}
Amerikalik astronavtlar ochiq kosmosdagi bir necha soatlik ishlardan keyin Xalqaro kosmik stantsiya (XKS) bortiga qaytdi, deb xabar beradi NASA.

Stantsiya komandiri Sunita Uilyams va bortmuhandis Butch Uilmor soat 07:43 da Quest shlyuzi orqali kosmik vakuumga chiqqan. Ular 5,5 soat davomida texnik ishlarni olib borgan. Bu vaqt davomida astronavtlar raioantenna tugunini demontaj qilgan va stantsiya korpusida mikroblar qidirish bilan shugʻullangan.

16 yanvar kuni ham ushbu astronavtlar bir necha soatga ochiq kosmosga chiqib, astrofizik uskunalarga xizmat koʻrsatgan edi.

Xalqaro kosmik stantsiyada hozirda etti kishidan iborat ekipaj faoliyat yuritmoqda — «Roskosmos» kosmonavtlari Aleksey Ovchinin, Ivan Vagner va Aleksandr Gorbunov, NASA astronavtlari Nik Xeyg, Donald Pettit, Butch Uilmor va Sunita Uilyams.

Eslatib oʻtamiz, XKS bortidagi amerikalik astronavtlar Treysi Dayson va Mettyu Dominik 13 iyunda kosmik vakuumga chiqishi kerak boʻlgan, ammo skafandr bilan bogʻliq muammolar tufayli jarayon bekor qilingan edi. 24 iyunda astronavtlar ochiq kosmosga 31 daqiqaga chiqqan va Dayson skafandridagi sovitish konturidan suv oqqani sabab stantsiyaga qaytishga majbur boʻlgandi. “Zamin” yangiliklarini “Telegram”da kuzatib boring