Bryus Uillis tildan qoldi va oila a'zolarini taniy olmayapti

2022 yil boshida frontotemporal dementsiya (FTD) tashxisi qoʻyilgan Gollivud aktyori Bryus Uillisning sogʻligʻi yomonlashgani aytilmoqda, deb yozmoqda Daryo nashri.

Bu dementsiyaning erta boshlanishiga olib keladigan neyrodegenerativ kasallik boʻlib, 70-75 foiz hollarda 40 yoshdan 65 yosh oraligʻida kuzatiladi. Statistik ma'lumotlarga koʻra, FTD barcha dementsiya holatlarining 20 foizi​​ni tashkil qiladi. Uni davolab boʻlmaydi, bemor oxir-oqibat tildan qolish, mantiqiy fikrlash va mustaqil harakat qilish qobiliyatini yoʻqotishi mumkin.

^{Foto: Lisa.ru}
Ma'lumotlarga koʻra, aktyorning ahvoli kundan kunga yomonlashib bormoqda. Endi u boshqa oʻqiy olmaydi va umuman soʻzlasha olmaydi ham. Oilasi uni qoʻllab-quvvatlash uchun aktyor bilan koʻproq vaqt oʻtkazishga harakat qilmoqda. Vaqti-vaqti bilan ijtimoiy tarmoqlarda uning sogʻligʻi haqida ma'lumotlar ham berib borishyapti.

^{Bryus Uillis qizi bilan
Foto: Lisa.ru}
2022 yilning mart oyida aktyor Bryus Uillisning oila a'zolari uning ijodiy faoliyati yakuniga etgani, Gollivud yulduzida afaziya — bosh miya qobigʻi shikastlanishi natijasida yuzaga keladigan nutq buzilishi aniqlanganini ma'lum qilgan edi.

Dementsiya dahshatli neyrodegenerativ kasallik boʻlib, hech kimni ayamaydi. Hozirda Bryus sobiq xotinini tanimasa ham, xayriyatki, hali ham xotini Emma va uning bolalarini taniydi. Aktyorning oila a'zolari — rafiqasi Emma Xemming, qizlari va hatto sobiq rafiqasi Demi Mur hamisha uning holidan xabar olib turadi.

Avvalroq Bryus Uillis xastaligiga qaramay, uzoq vaqtdan beri birinchi marta omma oldida koʻrinish berdi. U Los Anjelesdagi yongʻinlarga qarshi kurashayotgan qutqaruvchilarni qoʻllab-quvvatlash uchun hodisa joyiga keldi. Aktyor jabr koʻrganlarning qoʻllarini jimgina silkitdi, lekin shuning oʻzi ham aholi uchun katta bir taskin edi. “Zamin” yangiliklarini “Telegram”da kuzatib boring