Tramp: Putin o‘t ochishni to‘xtatish bo‘yicha kelishuvni bajaradi

AQSH prezidenti Donald Tramp Rossiya prezidenti Vladimir Putin Ukrainada o‘t ochishni to‘xtatish bo‘yicha «kelishuvning o‘ziga tegishli qismini» bajarishiga ishonmoqda. «Men u bajarishiga ishonch hosil qilishni xohlayman. O‘ylaymanki, u menga aytganini qiladi va kelishuvning o‘z qismini bajaradi», dedi u 31 mart, dushanba kuni Oq uyda jurnalistlar bilan uchrashuv chog‘ida.

Shu bilan birga, Tramp kerak bo‘lsa, Rossiyaga iqtisodiy bosimni kuchaytirishga tayyor ekanligini ta’kidladi: «Men uning neftiga ikkilamchi bojlarni joriy etmoqchi emasman. Ammo u yaxshi ish qilmayapti deb o‘ylasam, buni qilgan bo‘lardim».

Bundan tashqari, Amerika yetakchisi Kiyev bilan foydali qazilmalar bo‘yicha kelishuvga izoh berdi, u Ukraina prezidenti Volodimir Zelenskiyni bir kun avval uni buzishga uringanlikda aybladi.

«Men ular bilan (Ukraina) hali gaplashganim yo‘q, lekin sizlar (jurnalistlar) orqali ular hozir: «Xo‘sh, agar biz NATOga yoki shunga o‘xshash narsaga kirsak, men bu kelishuvga boraman» deyishayotganini eshitdim. Birinchidan, bu hech qachon muhokama qilinmagan. Putindan ancha oldin ular (Rossiya) NATOga kirmaysizlar, deb aytgan», — dedi u. “Zamin” yangiliklarini “Telegram”da kuzatib boring