AQSh o‘z ixtiyori bilan chiqib ketgan migrantlarga pul to‘laydi

AQShda noqonuniy migrantlarga o‘z ixtiyori bilan mamlakatni tark etish uchun $1000 (taxminan 12,5 million so‘m) to‘lanadi, deb xabar berdi Nova24.uz. Bu dastur AQShning Ichki xavfsizlik departamenti tomonidan ishlab chiqilgan va CBP Home mobil ilovasi orqali amalga oshiriladi.

Migrantlar ushbu ilovadan foydalanib, chiqib ketish niyatini bildirishlari mumkin. Agar ularning chiqib ketishlari tasdiqlansa, ularga transport xarajatlari qoplab beriladi va $1000 mukofot to‘lanadi. Bu dastur majburiy deportatsiya xarajatlarini taxminan 70% ga kamaytiradi.

Ichki xavfsizlik departamenti rahbari Kristi Noemning ta'kidlashicha, bu dastur noqonuniy migrantlar uchun eng xavfsiz va iqtisodiy samarali yo‘l hisoblanadi. Shuningdek, dasturda ishtirok etganlar kelajakda AQShga qonuniy tarzda qaytish imkoniyatiga ega bo‘lishlari mumkin.

“Zamin”ni Telegramʻda oʻqing!