49
AQSh prezidenti Donald Tramp ilgari Apple kompaniyasiga iPhone ishlab chiqarishni AQShga ko‘chirmasa, unga 25% boj joriy etilishini bildirgan edi. Endilikda u bu nafaqat Apple, balki Samsung kabi boshqa kompaniyalarga ham tegishli bo‘lishini ochiqladi, deya xabar beradi 3DNews.
“Bu keng qamrovli bo‘ladi. Bu Samsung va o‘xshash barcha ishlab chiqaruvchilarga taalluqli bo‘ladi. Aks holda bu adolatsiz bo‘ladi,” — dedi Tramp Oq uyda intervyu chog‘ida.
Uning aytishicha, bojlar iyun oxirigacha rasmiylashtiriladi, biroq hozircha qo‘shimcha tafsilotlar berilmadi.
Apple va Samsung uchun bu jiddiy muammo, chunki ularning komponent yetkazib berish zanjirlari asosan Osiyoda joylashgan. AQShda hozircha bu darajadagi ishlab chiqarish infratuzilmasi yo‘q.
Eslatib o‘tamiz, bu bayonot ortidan Apple aksiyalari 3,9% ga tushdi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
