Trampning nabirasiga uylanishni istagan yigit hibsga olindi

Texaslik 23 yoshli Entoni Reyes AQShning amaldagi prezidenti Donald Trampning Floridadagi Mar-a-Lago mulkiga noqonuniy ravishda kirib bordi, deb Kursiv Uzbekistan xabar berdi. Uning maqsadi prezident bilan din haqida suhbatlashish va uning 18 yoshli nabirasi Kay Medison Trampga uylanish edi.

Entoni Reyes maxsus xizmat agentlari tomonidan to‘xtatildi. U mulkni o‘rab turgan to‘siqdan oshganidan so‘ng ushlanib, Palm-Bich okrugi politsiyasiga topshirildi.

U o‘z qilgan ishini muhabbat bilan izohlab, Kay Medisonga nisbatan his-tuyg‘ularini bildirgan. Kay Medison — Donald Tramp kichigining qizlaridan biri.

Reyes hozircha qamoqda va unga Tramp oilasi a’zolari bilan har qanday aloqa qilish qat’iyan taqiqlangan. NBC telekanali ma’lumotiga ko‘ra, u mulkka noqonuniy kirganini tan olmagan.

Maxsus xizmat vakillarining ta’kidlashicha, hodisa yuz bergan vaqtda prezidentning yaqin qarindoshlaridan hech biri mulkda bo‘lmagan. “Zamin”ni Telegramʻda oʻqing!