Rossiyada milliy messenjer yaratiladi

Rossiya raqamli rivojlanish vaziri Maksut Shadayev yaqin orada mamlakatda milliy messenjer ishga tushirilishini ma’lum qildi, deb xabar berdi Rozetked.

Yangi messenjer nafaqat aloqa uchun, balki davlat xizmatlari, hukumat va idoralar bilan bog‘lanish, raqamli hujjatlarni saqlash va ko‘rsatish imkonini ham beradi.

Platforma ochiq arxitekturaga ega bo‘lib, u orqali shifoxonalar, ijaraga berish xizmatlari va oziq-ovqat yetkazib beruvchilar integratsiya qilinadi.

Ro‘yxatdan o‘tishda pasport kerak bo‘lmaydi. Asosiy avtorizatsiya usuli — telefon raqami orqali bo‘ladi. “Gosuslugi” orqali ro‘yxatdan o‘tish esa ixtiyoriy, faqat qo‘shimcha imkoniyatlar uchun.

Mazkur loyiha Rossiyaning o‘z WeChat’ini yaratishga urinayotganini ko‘rsatadi. WeChat — bu Xitoyda davlat va maishiy xizmatlarni bajarish uchun asosiy ilovalardan biridir.

Messenjer VK MAX asosida quriladimi yoki butunlay yangi dasturmi — aniq aytilmadi. Namoyish 2025-yil yoziga rejalashtirilgan. “Zamin”ni Telegramʻda oʻqing!