Kaliforniyada 16 yoshli o‘smir Adam Reynning o‘z joniga qasd qilishi ortidan uning ota-onasi OpenAI va kompaniya rahbari Sem Altman ustidan sudga da’vo kiritdi. Da’voda aytilishicha, ChatGPT o‘smir bilan oylar davomida suhbatlashib, xavfli usullar haqida batafsil ma’lumot bergan va hatto xayrlashuv xatini yozishda yordam taklif qilgan, deb yozmoqda Kursiv media sayti.
Ota-onalar kompaniyani xavfsizlikdan ko‘ra foydani ustun qo‘yganlikda ayblamoqda. Da’vo OpenAI’ni nohaq o‘lim uchun javobgarlikka tortish, foydalanuvchilar yoshini tekshirish va psixologik xavflar haqida ogohlantirish tizimlarini joriy etishga majburlashni ko‘zlaydi.
OpenAI esa chuqur hamdardlik bildirgan holda, ChatGPT’da xavfsizlik choralarini kuchaytirish, ota-onalar nazorati va inqirozda yordam tarmoqlarini yaratish ustida ishlayotganini ma’lum qildi.
“Zamin”ni Telegramʻda oʻqing!
