2025-yil 21-sentabr kuni Kanada va Avstraliya hukumatlari Falastin davlatini rasman tan oldi, deb xabar berdi Kursiv media. Bu qaror BMT Bosh Assambleyasi haftaligi arafasida ittifoqchilar bilan muvofiqlashtirilgan holda e’lon qilindi.
Kanada Bosh vaziri Mark Karni rasmiy bayonot bilan chiqdi. Ottava Falastin davlatini tan olishni “ikki davlatli yechim” imkoniyatini saqlab qolishga qaratilgan xalqaro sa’y-harakatlarning bir qismi sifatida baholadi. Bayonotda Kanada Falastin xalqini tinch kelajak sari hamkorlikka chaqiradi.
Bayonotda, shuningdek, bu qadam HAMAS emas, balki tinchlik tarafdorlari pozitsiyasini mustahkamlashi aytilgan. Terrorizmni tan olish yoki rag‘batlantirish sifatida talqin qilinmasligi lozim.
Kanada shu bilan birga Isroil, uning xalqi va xavfsizligini qo‘llab-quvvatlashda davom etishini bildirdi. Bu xavfsizlik esa “ikki davlatli yechim” orqali kafolatlanishi mumkin.
Avstraliya ham rasmiy bayonot berdi. Kanberra tomonidan bu qaror Bosh vazir Entoni Albanese va tashqi ishlar vaziri Penni Vong tomonidan e’lon qilindi. Ular bu qadamni BMT doirasidagi diplomatik tashabbuslarning bir qismi sifatida baholadi.
“Zamin”ni Telegramʻda oʻqing!
