Portugaliya Buyuk Britaniya, Kanada va Avstraliyadan keyin Falastin davlatini tan olganini e’lon qildi, deb xabar berdi Gazeta.uz. Tashqi ishlar vaziri Paulu Ranjel bu haqda BMTdagi shtab-kvartirada jurnalistlarga bayonot berdi.
Vazirga ko‘ra, Falastinni tan olish Portugaliya tashqi siyosatining doimiy va asosiy yo‘nalishlaridan biridir. “Bu qaror adolatli va barqaror tinchlikka olib boruvchi yagona yo‘l — ikki davlat yechimi borligiga ishonchimizni bildiradi”, — dedi u.
Portugaliya hukumati G‘azodagi gumanitar inqiroz, aholining majburiy ko‘chirilishi, infratuzilmaning, maktab va shifoxonalarning vayron qilinishini qoralagan. Ranjelning ta’kidlashicha, Falastinni tan olish bu muammolarni birdan hal qilmaydi, lekin hal qilinishi yo‘lida siyosiy qadamdir.
“Zamin”ni Telegramʻda oʻqing!
