Rossiya Ukrainaga qarshi 12 soatdan ortiq davom etgan havo hujumlari uyushtirdi. Raketalar va dronlar asosan Kiyevga yo‘naltirilib, kamida to‘rt kishi halok bo‘ldi, 70 dan ortiq odam jarohat oldi. Qurbonlar orasida 12 yoshli qiz ham bor.
Ukraina prezidenti Vladimir Zelenskiy bu hujumlarni "razil" deb atab, Rossiya jangni davom ettirish va odamlarni o‘ldirishni istayotganini aytdi. Uning so‘zlariga ko‘ra, mamlakat bo‘ylab yuzdan ortiq fuqaro obyekti vayron bo‘lgan.
Kiyevda hamshira va bemor halok bo‘ldi. Shuningdek, yirik non zavodi, rezina mahsulotlari ishlab chiqaruvchi korxona va ko‘plab uy-joylar zarar ko‘rdi.
Zelenskiy Ukraina javob qaytarishini va xalqaro hamjamiyatdan qat’iy choralar kutayotganini bildirdi. NATO esa sharqiy chegaradagi mudofaa kuchlarini mustahkamlashini e’lon qildi.
“Zamin”ni Telegramʻda oʻqing!
