Qozog‘istonda birinchi qor yog‘di: havo harorati –6° gacha tushdi

23-sentabr kuni Qozog‘istonning Kustanay viloyatida birinchi qor yog‘di, deb yozadi Kursiv media sayti. Ma’lumotlarga ko‘ra, kechasi harorat –6° gacha pasayishi mumkin.

Qozog‘iston meteorologik xizmatining xabariga ko‘ra, bunday erta yog‘ingarchiliklar va sovuq ob-havo sovuq antisiklon ta’siri bilan bog‘liq. Bu sovuq havo oqimi O‘zbekiston shimoliga ham yetib kelishi mumkin.

O‘zbekistonlik sinoptiklarning prognoziga ko‘ra, 1–3-oktyabr kunlari shimoliy hududlarda ertalab havo harorati +3° gacha tushishi kutilmoqda.