Kiprda jinoyat dunyosini titratgan fojia sodir bo‘ldi. “Knews” portali yozishicha, “Karmiotissa” futbol klubi prezidenti Stavros Dimostenus Limasol avtomagistralida noma’lum shaxs tomonidan otib o‘ldirilgan.
Dastlabki ma’lumotlarga ko‘ra, hujumchi mototsiklda harakatlanib kelib, Dimostenus boshqaruvidagi avtomobilga qarata bir necha marotaba o‘q uzgan. Hodisa juda tez sodir bo‘lgani bois, mahalliy aholi hech narsaga ulgurmadi.
Fojia ortidan politsiya kuchlari darhol voqea joyiga yetib bordi, avtomagistral vaqtincha yopildi. Tergovchilar hozirda videokuzatuv yozuvlarini o‘rganmoqda va hodisa guvohlaridan ko‘rsatma olmoqda.
Huquq-tartibot idoralari qotillik qasddan amalga oshirilganini tasdiqladi. Aynida jinoyatchini qidirish bo‘yicha maxsus operatsiya boshlangan.
Ma’lumotlarga ko‘ra, Stavros Dimostenus Kipr futbolida yaxshi tanilgan shaxs bo‘lib, so‘nggi yillarda “Karmiotissa” klubining moliyaviy tiklanishiga katta hissa qo‘shgan. Mahalliy ommaviy axborot vositalari uning o‘limi ortida iqtisodiy yoki shaxsiy nizo turishi mumkinligini taxmin qilmoqda.
Mahalliy jamoatchilik ushbu hodisadan shok holatida. Kipr politsiyasi jinoyatni tez fursatda ochish va javobgarlarga chora ko‘rish uchun barcha resurslarni safarbar etganini ma’lum qildi.
“Zamin”ni Telegramʻda oʻqing!
