Islandiyada ilk bor chivin topilgani olimlarni hayratga soldi. CNN yozganidek, bu mamlakat tarixida birinchi marta chivinlar rasman qayd etildi.
Ma’lumotlarga ko‘ra, 16 oktyabr kuni tabiatshunos Byorn Xyaltason poytaxt Reykyavikdan 20 mil shimolda joylashgan Kjos shahrida uchta chivinni aniqlagan. Keyin u Islandiya Tabiatshunoslik instituti olimlaridan biri — entomolog Matias Alfredsson bilan bog‘langan. Ular ikkisi ikkita urg‘ochi va bir erkak chivinni tutishga muvaffaq bo‘lishgan.
Mutaxassislar ta’kidlashicha, bu Islandiyada tabiiy muhitda paydo bo‘lgan ilk chivinlar hisoblanadi. Olimlarning fikricha, bu tur sovuq iqlimga moslashgan bo‘lib, katta chivinlar yopiq binolarda qishlab chiqishi va hatto uzoq, qattiq sovuqni ham yengib o‘tishi mumkin.
Alfredsson ma’lum qilishicha, bundan oldin mamlakatda faqat Keflavik xalqaro aeroportida samolyot orqali kelgan bitta boshqa turdagi chivin topilgan. Biroq bu galgisi Islandiyaning tabiiy muhitida mustaqil ravishda yashay boshlagan ilk holat hisoblanadi.
Olimlar chivinlar mamlakatga qanday kelib qolganini aniq bilmaydi. Ammo ularning fikricha, nasima yoki dengiz orqali kelgan yuk kemalari va konteynerlar orqali kirib kelgan bo‘lishi mumkin.
Matias Alfredsson iqlim o‘zgarishi bu jarayonga ta’sir qilgan bo‘lishi ehtimolini ham rad etmadi. Uning aytishicha, haroratning ko‘tarilishi kelgusida Islandiyada boshqa chivin turlari ham ko‘payishiga zamin yaratishi mumkin.
Mutaxassislar bu holatni mamlakat ekotizimi uchun yangi va jiddiy ilmiy kuzatuv nuqtasi sifatida baholamoqda.
“Zamin”ni Telegramʻda oʻqing!
