AQSHning Nyu-Meksiko shtatida joylashgan HF Sinclair neftni qayta ishlash zavodida 31 oktyabr kuni portlash sodir bo‘ldi, deb xabar berdi mahalliy OAV.
Guvohlarning aytishicha, portlash shiddati shaharning bir nechta tumanida eshitilgan, zavod hududi ustida esa qora tutun ko‘tarilgan.
Rasmiy ma’lumotlarga ko‘ra, halok bo‘lganlar yo‘q, bir necha xodimlar yaralangan va tibbiy yordam olmoqda. Zavodning quvvati kuniga 100 ming barrel neftni qayta ishlashga teng ekani qayd etilgan.
Atrof-muhitni muhofaza qilish xizmati hodisa joyida havo sifati va aholi salomatligi uchun xavf darajasini baholamoqda. Portlash sabablari maxsus komissiya tomonidan o‘rganilmoqda.
Mutahassislar fikricha, bu hodisa mamlakatda yoqilg‘i ta’minoti va narxlariga qisqa muddatli ta’sir ko‘rsatishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
