Qozog‘iston yaqin yillarda logistika sohasida katta innovatsiyaga qadam tashlamoqda. 2027 yildan boshlab mamlakat Yevroosiyo iqtisodiy ittifoqi hududida haydovchisiz yuk mashinalarini tajriba tariqasida harakatga chiqaradi. Bu haqda transport vaziri Nurlan Sauranbayev ma’lum qildi.
Loyihani amalga oshirish uchun Qozog‘istonda maxsus infratuzilma barpo etiladi: avtomobil yo‘llariga avtonom transportka zarur bo‘lgan to‘liq sensor tizimlari o‘rnatiladi. Hozirda tashabbus qo‘shni davlatlar va YEOII hamkorlari bilan muhokama qilinmoqda.
Sauranbayevning aytishicha, haydovchisiz yuk mashinalari chegara punktlaridagi navbatlarni ham kamaytirishi mumkin. Chunki jarayon pasport nazorati bilan integratsiya qilingan holda ancha tez amalga oshadi.
Vazirga ko‘ra, bunday transport vositalari Qozog‘istonning tranzit imkoniyatlarini oshirishda muhim omil bo‘ladi. Chunki yuk tashishdagi xarajatlarning katta qismi haydovchi maoshi va dam olish normalari bilan bog‘liq. Avtopilotli mashinalar esa sutkaning 24 soati ham harakatlana oladi.
Mutaxassislar fikricha, bu eksperiment mintaqada transport oqimini sezilarli darajada optimallashtirishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
