AQSHning Nyu-York shtatida olimlar Yer yuzida 450 million yil avval yashagan, ilgari umuman noma’lum bo‘lgan dengiz mavjudotining ajoyib “oltin” qoldiqlarini topishdi. Yangi turga Lomankus edgecombei nomi berildi.
Arxeologik topilmalarning eng hayratlanarlisi — bu organizmlar an’anaviy qoldiqlardan farqli ravishda deyarli ideal holda saqlanib qolgani. Millionlab yillar davomida ularning kichik tanasi metall — pirit bilan asta-sekin almashib borgan, natijada shakl va anatomiya amalda o‘zgarmagan.
Oksford universiteti paleobiologi Lyuk Perrining ta’kidlashicha, pirit kislorodsiz muhitda bakteriyalar organik to‘qimalarni parchalaganida hosil bo‘ladi. Bunday sharoitda ajralgan gazlar temir bilan reaksiya qilib sulfidni shakllantiradi.
“Bu namunalar go‘yo pirit hosil bo‘lishi uchun maxsus tayorlangan miniatyura orolchalarga o‘xshaydi”, — deydi Perri.
Mutaxassislar o‘ta aniq, uch o‘lchamli holda saqlangan ushbu majmua yordamida qadimgi bo‘g‘imoyoqlilarning tuzilishi va evolyutsiya bosqichlarini yanada chuqurroq o‘rganishi mumkin bo‘ladi. Ayniqsa, o‘sha davrda “qo‘shimcha” oyoqlar qanday qilib mo‘ylov, qisqich yoki tishsimon jihozlarga aylangani bo‘yicha muhim ma’lumotlar topilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
