HAMAS harakatining harbiy qanoti 29-dekabr kuni G‘azo sektoridagi yetakchi vakillaridan biri Abu Obeydaning halok bo‘lganini rasman tasdiqladi. Guruh bu haqda o‘zining Telegram kanalida e’lon qilgan bayonotida ma’lum qildi. Avvalroq Isroil tomoni u bir necha oy oldin berilgan havo zarbasi natijasida yo‘q qilinganini bildirgan edi.
Bayonotda Abu Obeyda HAMASning muhim shaxslaridan biri sifatida tilga olinib, uning xotirasiga hurmat bajo keltirildi. Urush davomida u guruhning asosiy axborot vakili bo‘lib kelgan va muhim bayonotlar, jumladan, asirlar almashinuvi bo‘yicha ma’lumotlarni jamoatchilikka yetkazgan.
Abu Obeyda 1985-yilda tug‘ilgan va G‘azo sektorining shimolidagi Jabaliya hududida ulg‘aygan. U yoshligidan HAMAS safiga qo‘shilgan va keyinchalik harakatning harbiy qanotida faoliyat yuritgan. Abu Obeyda doimo yuzini yopgan holda chiqish qilishi bilan tanilgan edi.
Isroil rasmiylari ma’lumotiga ko‘ra, Abu Obeyda 2024-yil avgust oyida G‘azoga berilgan zarba vaqtida halok bo‘lgan. Isroil 2023-yil oktabr oyidan beri HAMAS rahbariyatini yo‘q qilishni maqsad qilganini bildirib kelmoqda. Mutaxassislar Abu Obeydaning o‘limi G‘azodagi vaziyatga ta’sir ko‘rsatishi mumkinligini qayd etmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
